[أروى التميمي]

الحقيقه أول مره أقرا ل الشاعر مطلق فقط
و شدتني شاعريته كثيرا

لذا أوجه إليه هذه القصيده الكيبوردية

وقل ما أوجه لـ شاعر قصيده


[poem=font="mudir mt,4,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
يامطلق الشاعر عليك الف تسليم=من شاعره تكتب حروفن جزايل
بعض الشعر ميت ولا قول تعميم=وبعض الشعر سوى فقلبي عمايل
وبعض الشعر حلل على الناس تحريم=وبعض الشعر ياخوك بالحيل مايل
وبعض الشعر بالحيل يحتاج تقليم=وبعض الشعر نضرب عليه المثايل
وبعض الشعر تقراه مافيه ترنيم=معفس القيفان كنه زبايل
وبعض الشعر يحتاج منا معاجيم=كله طلاسم ما لدربه وسايل
يامطلق الشاعر أبي منك تعليم=قبل المشاعر ما تفل الجدايل[/poem]


رد الشاعر مطلق بن نايف أبو ظهير
هلا وغلا بأخيتي أروى ...
ماشاء الله تبارك الله ...قول وفعل ...
شاعرة وجزلة ...وقرأت في سمو قصائد أو ابيات توحي بقوة شاعريتك ...ووثوقك بنظمك ...
اللهم لا حسد ...
شكرا لرقيق اطرائك ...فهذا أعتبره وسام من الدرجة العالية ...لاعدمتك ...
مجاراة متواضعة لشموخ أبياتك ...عساها تجمل يابنت الأجواد ...


[poem=font="mudir mt,4,darkblue,normal,normal" bkcolor="transparent" bkimage="" border="none,4," type=2 line=1 align=center use=ex num="0,black""]
هلا رقت لك لينها عدّت الغيم=جتْك بمحلّك عاطره من خمايل

يامرحبا هتانها ياصلك ديم=يوم(ن) وصلني القاف عبر الرسايل

بنت الحرار اللي يسدون بالضيم=تميم صيت وذكر بين القبايل

من بعد قلنا مرحبا والتساليم=والشك ...والله بيننا الشك زايل

الشعر له عند الأجاويد تقييم=واللي حشم قافه عن الدون ...طايل

سمّي ...ولك منّي على الصدق ترسيم=من ضايقك ؟...لو هو على حق عايل

لك مبدأ(ن) واضح ولافيه تثليم=يعجب خوي الحق ...وابن الحمايل

قافك صريح وحق مافيه تجريم=قلتي الحقايق صح ...واجزل مثايل

والعذر منّك ...قايدة جملة الريم=ان كان فهمي دون قافك ...تمايل

لرضاك ..شكرا ...لابتسامتْك تكريم=والشك يابنت الأجاويد زايل[/poem]

مع وافر تقديري ...وعظيم خجلي اذا قصرت بالأبيات


"

حد السماء وأضعآف حجمها
صح السانك