ودارت دورة الايام
وظل يكبر*
وانا شووفه
بعد يكبر
ولا حسيت لو مره
بانه لا كبر يبعد !!
يقول ان الليالي همس
واقول ان الضحى تغريد
وتناقشنا وتفااهمنا
وتركنا سالفة قالوا
كثير اليوم احتاجه
يسولف لي
يعاتبني
يهددني
يعاندني
كثير اليوم احتاجه
يواسيني من احزاني
يبكيني و يضحكني
وصرت البس سواد وصار
يتنحنح قبل يدخل
واشوفه لدخل هيبه
وكل كلي يهلي به
على الصامت*
لانه ذنب*
لانه ذنب اتكلم
وكبر حبه
وانا شوفه
واروح وفي عيوني دمع
احاول احبسه لجله
لجل اني اشوفه زين
و ودعنا
وقال اني كثير اشغال
واقول اني كثير امال
وروح بعد ما سلم
قديمن كان لا روح
اسابقه الخطى للباب
واقوم امنعه في عيني
وانا بعينه
ترا بدري على الطلعه
تجي نلعب
تجي نبني بيوت الطين
تجي نكتب
تجي نصعد على السلم
تجي نركض ونتسابق
ويطالعني بوله وسرور
اجل. ياغلا صديقاتي
اجي العب
وودعه*
وحسيت ان الوداع اليوم
بدا يظهر معاناتي
وقمت انفض غبار الامس
واقول بهمس
كبر وتغير و انتي
على حلمك
تغيرتي
دخيلك اجمعي روحك
يكفي للعمر صمتي
وهو ماحس لو مره
بانك يا دمع همتي !!