أول [ الـودق ]
~
تمطرني اعيوني تعب
واجمّع ايديني وانام
واترك درايش غرفتي
يمكن تجيني بالظلام
طاحت على كفي نجم
وماتت عصافير
وحمام
ليه انتهى فصل الخريف
ليه ابتدا فصل الحنين
ليه انتزع مني وطن
ليه ارتكز رمح
الكلام
ما اقول انا خذني سما
او ارض
واعيون
وسلام
خذني من انفاس التعب
خذني من اشواك الزحام
خذني من اغصون الضما
خذني من اشموع الظلام
وعطني اهتمام
وعطني من احروفك
كلام
ترا البشر
كل البشر
حولي
لئام
اشوف في عينك جفا
واتشوف في عيني براد
احتاج لك حضن ودفا
وتحتاج لي حزن
وحداد
صدقني الغربه تعب
وصدقني اللقيا تعب
صدقني الدمعه تعب
صدقني الفرحه تعب
عطني اهتمام
وخل المسا
يعكس ملامحنا لقا
وخل الوجع
يكتب مراسيلي
شقا
وخل الغسق
يجمع تفاصيلي عنا
وخلني انام