[مشعل فايح]

حبيبي.. نظرتك تحيي رميم الفرح بالمحزون
يملّ الحزن لا شافك وتزهر وردة آماله
اشوفك حلم واتسامى من ركام السنين عيون
واطير من العدم واصعد الى دنيا العتم هاله
واغرد من طعون الناي لو حزني ورق وغصون
واهادن جيش وقتي لو مشوا زحفٍ وخياله
ابد والله ما عفتك ولا مثلي فيوم يخون
ولا يغريني الحزن العتيق ولابي وصاله
حبيب اللي اذا ناديت له يعشب بدون مزون
حبيبك لا تفرط فيه لو يشقيك مواله
لأن الحب مرّة.. والبشر لا فارقوا ينسون
ولكن يا بعد عيني.. يموت العاشق لحاله