يالله
يالله إنك تبسط الرزق لعــــــيون الفقيـــــــر
يالله إنك ما تحده على بـــــــــاب اغنيا
يالله إنك ترفع النفـــس عن " شرهة " أمير
يالله إنك لا تمنه لطلـــــــــــبات أخويا
يالله إنك يسّــــــــر العسر مايمك عســــــــير
يالله إنك سكّن القلب بإيمان وضيــــا
يالله إنك تحمى الشعر من تاجر شعـــــــــير
ويالله إنك تبعد الشعر عن رأى ادعيا
يالله إنه ما ينظر على العالم ضريــــــــــــــر
يالله إنه يكتب الشعـــــــر يارب أنقيا
يالله إنك صغّر الكِبر ثم كبِر صغيـــــــــــــــر
يالله أن الناس تبقى بلا كذب وريــــــا
يالله إنك ياألاهى على هذا قدير
مد جودك ياقوي به الناس أقـــــــويا
عارف سرور