.
.
اسمحوا لي
مابقت فيني مشاعر
تستحق "إ"بها ابوح
والشتا من يوم جاني
وزع احلامي على درب الموادع
وضمّد جروحي بـ جروح
مابقت فيني مشاعر تستحق الفضفضه
مابقى بي شي يسوى ,
غير دمعي ,
وشخص حاول .. حضنه جمعي
وللأسف قدّر الله له , يروح
اسمحوا لي
مابقى بي أي قوه
والفضاءات إتزاحم
حزن أسود
حزن أعمى
حزن أبكم
حزن مايسمع نحيبي
ياحبيبي
ياحبيبي
ليت حزني بس يشوف
كان يرحم حال ضعفي
وانا تلعب بي الظروف
وانا يذبحني الخسوف
اي خسوف !
انخسف عمري وقلبي
يسكنه مليون خوووف
ورغم هالمليون خوف
للفراق اكبر نصيب
طعنته دايم تصيب
حزنه أعظم حزن يمرّ
حزنه أكثر سقم يضرّ
وللأسف ماله طبيب
اسمحوا لي
جيت اصارحكم , ذبولي
جيت اعلمكم مراحل
نص عمري فيها راحل
وخلّ يتشمت عذولي 