تدلـل بيـن ربـات الجمالـي
جميـل ولايـقٍ فيـك التدلـل
اسطر لك من الاحساس غالـي
وسحرك مع نبض قلبي تسلـل
تدلل دام في عمـرك مجالي
قبل ريف الصبا يازيـن يرحـل
بقند لك من حروفـي إدلالـي
وانفاسي لهـا نيـران تشعـل
تميـزت بجمـال مـع دلالي
تهبل تجذب أوصافـك تهبـل
تساوي الشرق وجنوب وشمالي
وغرب وكل هذا الكون وإسـأل
شعاع الفجر ونجووم الليالـي
وشوقٍ شط ما أخذنـي بتمهـل
وبرق الخـد وعيـون تلالـي
وسهم الرمش لب القلب يدخـل
شربت المر من بعـد الزلالـي
وفي بعدك خفاا روحي تزلـزل
أرى اللي غيركم وهـم ولا لـي
وعيني لزينهم يازيـن تجهـل