[هـيـفـااللاّفـي]

|| عطر إنعتاقي ...

.
.
من الحنين وليل ياطول باله
ـــــــ أسترسل بشعري وأقطع وثاقي
واذا رمى ليلي بصدري حباله
ـــــــ يبي يعيش النصر وقت أحتراقي
واذا أحترق عودي أوصل رساله
ـــــــ مع النسايم فاح عطر إنعتاقي
يذبحني احساسي ومتعب سؤاله
ـــــــ عن الذي هو السبب باشتياقي
كل غصن فيني بالغلا أنحنى له
ـــــــ أثمرت له مدام لي صار ساقي
الحب والدفء أندمج في خصاله
ـــــــ لازال عطره في يدي الحين باقي
الغيم جاوب لهفتي بإنهطاله
ـــــــ واسقيت بستان الغلا بالسواقي
احساسنا زاد الشعر بأشتعاله
ـــــــ كذا يكون الشعر اعذب وراقي ..

.

.