[محمد الغشام]

:









سما هذي المدينه غيم والحافه شعاع الشمس
... ... ... تغزّل به نشيج و سقطته ع الأرض به روعه
يصوّر بك خيال ٍ من سنين و هـ الأماني لمس
... ... ... إلى منّك تبي ترقى وتتخيّر ضياء [ نوعه ]
من اللهفه انا مدري وش اللي صاربي بالأمس
... ... ... اخاف الذكريات الماضيه تنشألي اللوعه
هدوء الأمنيه شمعه وابنفث في رياح ٍ خرس
... ... ... أبي تسمع ومن عينه ملامح تمسح ابجوعه
دموع ٍ طاح ٍ فخد السما نجمه غرسها غرس
... ... .. عطش جذر الفضا وابرق ليالينا ولف كوعه
,
على هونك حبيبي
لو رسمتك بالسما نجمه
علىهونك
عطشت و ما عطش جذرك , ولو ضاع الزهر نوعك
على هونك ,
هدوء الغير يرسم لك على نفسه
براويز الفكر [ جوعك ]
على هونك
وانا مدري
ولكني عرفت ان المسافه من على باب السهر
كذبه .,
ومرجيحة تجي وتروح والصوره : [ وداع ]
,
ويستدرك خطاوي رحلة القادم رياح ٍ [ هـاه ]
... ... ... وهذي الهاه منسوجه من خيوط العواصف [ صح ]
ليستدرك مسافه وْ صرصرة وجراحها [ منفاه ]
... ... ... حكاوي خالده : ف مْسيرة الكذبة ، سهرها : بَحْ