[مشاعر تائهة]

حزني اللي شوّه الوجه الجميل
ما جعلني غير/ بعيونك ملاك

ودامك اللي تدري إني مستحيل
لا ترامى /وإنت عارفني هلاك

ما وحشتك؟
كيف ياعابر سبيل؟
ما يوّرد غيثي إلاّ ما بلاك!

حاول تراجع حسابك والدليل
في غيابك: ما حصدت إلاّ غلاك

دعوتي لك/ إنتقامك /وألف ليل:
صبّك بقلبي مواجع ثم ّملاك

في الحقيقه /مات في عيني جليل
وفي سرابك/ كل حقدك ما جلاك

طول بالي طامع ٍ بك ( لو قليل )
وإحتمالي ماطمع غير بـ ولاك

جابك الله بعد ضيعاتي كفيل
لليتيمه (وما تمنّاه ) / ادخلاك

مالي غيرك يا وطن أيّة بديل
ممتلكني رغم عيني/ إمتلاك

صح حزينه لكن احساسي جميل
ولي خفوق ٍ في غيابك.. ما سلاك. !