من كويت المجد لأطراف الخليج
عيد ثالث أشرق بصبحٍ بهيج
جيت أشارك وادعي الفرحه تدوم
دامت الأفراح في دولة قطر
في أعالي المجد والقايد حمد
عز شعبه محتضن كل البلد
بالسياسه حنكته تجلي الهموم
دامت الأفراح في دولة قطر
يابو مشعل ياعسى عمرك طويل
بك يغني شعبك الوافي الأصيل
مايهاب وبه جساره به عزوم
دامت الأفراح في دولة قطر
في شموخك معتلي أعلى الصداره
في قدومك هالبلد زاد إزدهاره
دام ظلك دام قلبك يا رحوم
دامت الأفراح في دولة قطر
لك ولي العهد هالشيخ الكريم
في يمينك سيفك المخلص تميم
لا ذكرته عيني ترقى للنجوم
دامت الأفراح في دولة قطر
شعب واحد كلنا حضر وبدو
ايد وحده نجتمع ضد العدو
يا عسى هالعيد يرجع كل يوم
دامت الأفراح في دولة قطر
نحتفل هاليوم وصلو عالنبي
ياقطر تدللي ثم أطلبي
لو طلبتي أرواحنا عند اللزوم
دامت الأفراح في دولة قطر