ياخي تعبت .. كل ما نطقت ب كلمه في عز احتضاري
أسمعك
تفهم كلامي .. مع مرامي مالها حدّ وحدود
لا متى ؟
لا متى وقتي يساير حيرتك ؟
لا متى وقتي يسامح سيرتك ؟
لا متى ؟
قلي متى ؟
تفهم حروفي والمراد ؟
لا متى ؟
قلي متى ؟
شبّت على آخر رماد
نار حبي / بارده
انطقت بك / شارده
جرح الحكي اكبر من اسيوفك جراح
كل الكلام اللي تقوله .. ما طعني بس وراح
لا ولكن .. خسّر امثالي ثقات
لا ولكن .. جنّب اعمالي تبوح
ما قدرت اسكت خلاص
طافيه
رغوة حكي
فوق البحر
شافيه
صرخة بكي
فوق القهر
وينك تعال
اسمع تراني للصبر عندي حدود
لو تشوف اني بعيده .. اسمعك
رغوة كلامك كلها عندي هنا
نشوة ملامك واصله عندي هنا
لا تحسب اني ما فهمت اللي وصل
لا تحسب اني ما فهمت انك بطل
في فلم عنوانه "فنون"
مخرجه اسمه "فَتون"
ينعرض في ساحة الجمع الغفير
والتوافه له يجون
يضحكون ويضحكون
لين تاليهم جنون !
كل هذا من حسابي يا حسابي
ادفع ل عمرك عذابي يا عذابي
ما خسرت الا ثقة قلبي وروح
كنت احسب انك على قد الجروح
لكن انته مثل مانته
واللي شاريك انت بعته
لا تحسب انه يمون
ما أبي منك حضور
بس ابي منك غياب
خذ بقايانا هديه
مغلفه ب رغوة حكي !