[أنثى جموح]

مو أنا اللي صدّقت كلمه وخلاص
عاشت بضيق القفاص
لانها تطلب مناص
صدّقني لا !

مو أنا اللي ممكن انك تملك إحســــــــــاسي بنظره
أو تِحسْب اني أبي آكون في قربك بكثره
أو يأثر ســـــــوء ظنٍ بي واكبره
مـــــا تحطّمني بحسره
صدّقني لا !

[poem=font=",6,orangered,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا حلو مني المعـاند وانت من يومك عــنيد=أنفي دروب الحيارى واصرخ بوجهك (كفى)

هو صحيح اني هويتك وامتـلى قلبك حديد=وانثنيت أرجــو مقـــامي يَحتَفِي أو يُحْتَفَى

لكن الأنثى كرامه / مره وحده / ما تعيد=ياتقدّر مغريــاتي .. مثل مـــا بــك تُسرفـــا

مُقْلَتا عيـني تـناظـر عـارضِـك وتْحَيّ جِـيْد=باتّســاع الخـدّ صــارت لك عــيوني تأسفا

عن وجود النبض نفسه في قليبي لو تُريد=تفهم الحـبّ بْطريقي مــسـلـكه ينبض وفا

لكن الشخص المقارف للــذنوب أصبح بعيد=والليالي علّمتني .. وانطقت قبلي (أفــا)

لا تحاول ترتجيني .. تحسب اني راح احـيد؟=لا تحاول / ما أسامح / جرح قلبي مـا عفــا

لا تحاول تعتني بي .. صّدتي هـــاذي أكـيـد=ولّا بس انت اللي تِسْلى / تتقن أدوار الجفـا

لا تجي لَصْعَب كلامك تعتذر .. مــا هو جـديد=مابَرَت [ آسف ] ضلوعي .. والرجا ذا ما شفا

هذا هو حدّ المُــرائي / لــو أجـامل راح أزيد=لكن الزبــده انتهينا ... والضباب أصـبح صـفـا[/poem]

ويبقى في ظنوني شي أبي أحكيه
لو ان العاديات تمرّ في صبحك وساعة ليل
وش اللي ممكن يمرّك / على بالك؟
بتتذكر محبّة خيلنا والعيد؟
بتتذكر صهيلٍ فاضحٍ لـِ بعيد؟
أو إن الباقيين اكثار / وما همّك
تبي صدقي؟
مدام ان هذا هو همّك
أنا ما همّني شيٍ يعلّقني بماضينا
ولا بسأل عن اخيول الوغى وللا أراضينا
أنا برحل
وإذا برحل
أبد ما ترجع اخطاتي!

*دوّن ذات مساءٍ شهده أورانوس