صباحي ضايعٍ بعدك ,
أبي كل الحكي أحكيه وما لاقي أحد يسمع
وأشتاق لْــ ممرات القلب عندك واردّ أرجع
واقول الوقت فرّقنا
رغم آهاتنا وحبنا
وكل مافينا يتوجّع
نبي ننسى
لعل الوقت يرحمنا !
,
صباحي متعبٍ دونك
وكل دقاتي يحكونك
وانا / ما أقدر أوصل لك
,
صباحي شايلٍ همه وهو لحاله
وكل ما يلتف صوبٍ تجي اقباله
وهو شاللي على باله
ماغير انه يضمك حيل ؟!
,
صباحي غامرٍ قلبي
بلا معنى
اواصل خطوتي ف دربي
بلا معنى
ويسألني نسيم الصبح كيف الهم ؟
واناظر له , واناظر به
بنظرة هم
لها معنى
ويفهمني !
,