[علي المحمد]

http://www.6arab.net/ViewSong/191578.html




بحق الحب سيري ياحمامه
ــــــــــــــ لطيف الروح وهاتي لي كلامه
وودي له تحيات الموده
ــــــــــــــ على الطاير وهاتي لي سلامه
وقولي له : ترى هجره سطى بي
ــــــــــــــ وفي قلبي من الهجران شامه
وأنا اللي في هواه اتعبت روحي
ــــــــــــــ ومن شانه تعرضت الملامه
نسى عهد المودة والتصافي
ــــــــــــــ علامه ياحمامه هو علامه ؟
وأنا والله ما انسى اللي مضى لي
ــــــــــــــ ولا انسى اللي غرامي من غرامه
دهاني ما دهى مجنون ليلى
ــــــــــــــ على فرقاه صابتني ندامه
رعا الله من سقاني من وداده
ــــــــــــــ بصوت الوجد نوحي ياحمامه