[ماجد الذيبان]

تعالي نبحث انا وانتِ فيني
هسسسس بشوييييش
ماجد هنا جرح نايم
اقصري حسك اسمعك إيه إيه هذا الهم / بس ماهو نايم
هو كذا مغمض عيونة ولا هو بالأصل قايم
هسسسسسسسس لا تتحركين هنا دمعه بتطيح
شفتي هذا الطفل من كبرت وهو فيني يصيح
مسكين هناك كانت تجلس امه
مسكين الفرح في صدرة شحيح
شوفي هذا / شفتيه؟
هذا كان حلم بس مات غم
تعالي براويك قلبي
شفتي هالمرسومة فية / هذي كانت مني
كانت حلمي / كانت بعضي
ماجد شف عرق ينزف ؟
إية إية ايه أعرف بس أتركية
هذا العرق ينزف مو من اليوم
هذا العرق ينزف صارله سنين
ينبع من الجرح الكبير اللي هناك
ماطاب؟
هسسسسس أقصري حسك / لا لا ما طاب .. وما ظني يطيب
تسمعين هنا شي ؟ / هاااه سمعتية ؟
هذا الحب اللي كان بينا
من غابت وهو على هالحال
تعالي اوريك أكثر فيني
تعالي أحكي لك وأسمعيني
أنا / أسمي ماجد
كنت اشوف الدنيا غير
وكنت احلم ني بصير
وكنت اتمنى واتمنى كثير
كانت الشمس تشرق من جبيني
وكان الليل يفرح اذا سهرته
وكان القمرلا غابت صديقي
وكانت النجوم تجلس تسمعنا
وكانت تضحك لـ ضحكتنا
وكانت تسري ان سرينا
تعالي شوفي ذاكرتي
هذا يوم جتني تبكي فية
كانت مخنوقه / الدنيا كانت تضيق فيها
وانا كنت الأمل اللي ينسيها
ماجد شيء يتحرك؟
ايه ايه هذا كتفي ذكرها
كان في يوم لا ضاق سندها
كانت تحط علية راسها
وكانت ترمي بهمومها واثقالها
وكانت اصابيعي تلعب في شعرها
كانت كل ما تبكي كفي تمسح دمعتها
هنا في هالنقطه كانت تسولف عنهم
وتشتكي لي منهم
تعرفي وش كانت تقول
كانت تقووول والله يا ماجد والــ الله اللي بسماه واللـ آآآآآآ

اعتذر لا استطيع الأستمرار اصبح كلي فوضى