[أشرف الأشعل]

.
.
بسم الله الرحمن الرحيم

أخواني أخواتي روّاد منتدى أبعاد أدبية .. نص متواضع جداً للبوح وللتواصل .. أتمنى أن نكتبه معاً بأبهى صوره.
.
.


يا مُدقق
بيني وبينك ./. لا تكذّب ,, لاتصدّق

خذ كل شئ بهالزمن زي ماهو
لا تقتنع
وبين القناعة والقبول " ألفين فرق "
ايه اِستمع
بس اِنتبه / تكفى اِنتبه
( لا تصلّي شرق ).. !!

لا يضيّعك تيارهم .. تقعد تعيد أقوالهم
تيارهم .. تيارنا
أقوالنا .. أقوالهم

ضمير ( نا ) .. وضمير ( هُم )
الآخرة ما بيننا وما بينهم

يا ناس ما نقدر نعيش إلا ندوّر عن عدو ؟!!
يا ناس وش زود الحضر يا ناس وش زود البدو ؟

هذا البلد مولود توّه منولد
وكلٍ يبي خطفه لأجل
يحق له يسرق مهد .. !!
وليّا كبر هذا الطفل وأصبح ولد
باعه وسط / سوق العبيد .. واِشترى لنفسه لحد .. !!

في هالبلد
أحبابنا
كُتّابنا
يا حليلهم
يا زينهم
واحد يحلل / بالحرام
وواحد يحرّم \ بالحلال
وواحد بلش ما بينهم / ( جواب / ما حصّل سؤال ) !!
حاول يخالف دينهم
وشال الدقن ويّا العقال .. !

فيه اخواني وليبرالي
فيه ملحد .. فيه علماني
وفيه الوسط / اللي نسى لعب الدفاع
................ ولا قدر يطلع هجوم !!
بس
أنا
... وأنت
........ وهذااااااااااك
ما لنا دخل : (
عايشين وساكتين ومؤمنين
........... ما نفت الشوك ونبيعه طحين
نعرف إن الله / فوق .. ونعرف إن ابليس \ تحت
بس
أنا
... وأنت
......... وهذاااااااااااااااك .

.
.
.

تحياتي وتقديري