[الشعر الشعبي]

- لـ عطر وَجنَّة وبقية الأحبة
قَصيدة شَاعرنا كَاملة :

[poem=font="simplified arabic,5,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
دقي على عظم الصدر يفتح الباب =ما عاد يكفي أكسجين الشبابيك
ولا عدت قاوي كل ما جيت أرتاب =ودي تصيحي لا أجي يا هلا بيك
الضيق لا شرع براحه عالاحباب =وقـّف وكل كفوف همّه مشابيك
يموت عشق وينتهي ضامر اعجاب =وان عاش ماتوا يا شعر في مخابيك
نكتب لسلمى وكن سلمى بلا اقراب =نخفي ورى هالأجوديّة منابيك
وعيون سلمى ما قرت يوم نغتاب =واشواق سلمى ما عثت في روابيك
يا كثر ما خان العشق فيك كذاب =كم خاين ٍ ساق الذكا في تغابيك
يا شعر لك في داخل الصدر محراب =آسج به وأخشع ولا اقدر أحابيك
مالك على ظلم المقادير مخلاب =شايب وتفخر بالجذب في تصابيك
شفني أغازل عين ورموش واهداب =وأشواق صدري في بيوتك مدابيك
ما خف من زاد الألم بالظهر ناب =ولا هف من ريح الحبايب مدى بيك
جمعت جرحي واطبعت منّه كتاب =لا ما كفتني نسخة ٍ من شقى بيك
كذاب كل الشعر كذاب كذاب =إن ما تردى بك فلاهو رقى بيك
قولوا لسلمى ان جيت لا تفتح الباب=وقولوا لها تقفل بوجهي الشبابيك[/poem]

.