لجل اللي باقي.. واللي راح.
وقلوب ماليها الصباح.
تقطر ندا..
لجل الكلام اللي انحكى
ولجل الجراح .. لجل البكى.
من علم البسمة تعاندنا غياب
من علمك تبعد.. وانا تعبي ثياب.
من لبّس عيونك براويز الصور.
وفتّق عن أضلاعك ازارير العمر.
وأخذك.. وغاب.
ليتك هنا..
مثل أول جروحي ابتسام..
ليتك هنا..
وجهك نهر.. وكلّي يمام..
يكبر على اطرافك سنين..
وما بين اغصانك ينام.
لجل اللي باقي.. واللي راح.
وقلوب ماليها الصباح.
تقطر ندا..
كافي يا بسماتي غياب.
كافي غياب.