[شوق علي]

يا شعري اشرق في رحاب الكون وأهدينا الضوى ..
.. .. .. .. .. .. .. واشعل حروفٍ في ظلام الليل تبقى ضاويه
هم يالقاف الذي لو يشربه الضامي ارتوى ..
.. .. .. .. .. .. .. تزهى به شجرة طموحٍ بالضماير ذاويه
ليه التشاؤم والأمل بحبال افكاري التوى ..
.. .. .. .. .. .. .. لوي الشباك ابعضها حين أصبحت متلاويه
مدام خلاق البشر ربنا على العرش استوى ..
.. .. .. .. .. .. .. ما اخشى نفوسٍ حملت حقد وعلينا ناويه
وإذا الوضع فينا تدنى وصار دون المستوى ..
.. .. .. .. .. .. .. ف اعلم ترى لابد تجي صرخة وتصبح داويه
مافي محال وربنا في حين ما شاء ونوى ..
.. .. .. .. .. .. .. اسلم على يد النبي وحشي وتاب معاويه
وإلا الزعل لنفوسنا لا يمكن يكون الدوا ..
.. .. .. .. .. .. .. عمر البكي يااهل البكي ما يلمى جود وراويه
لو كل شخص ضايق على نفسه تكدر وانطوى ..
.. .. .. .. .. .. .. امست عروش أهل المدن على مدنها خاويه
ابليس يوم إنه أبى ضل وتكبر ثم غوى ..
.. .. .. .. .. .. .. ونفوس تتبع منهجه يطلق عليها غاويه
وأبو لهب عم النبي في نار بغضاه انكوى ..
.. .. .. .. .. .. .. الخوف حقدك يوصلك مثله لنارٍ كاويه
يا نفس اللي غرك الشيطان واتبعك الهوى ..
.. .. .. .. .. .. .. ثم انحدرتي من على سفح الجبل للهاويه
يروى حديثا قد سمعته في معانيه احتوى ..
.. .. .. .. .. .. .. ب إنا كـ اسنان المشط متعادلة متساويه
مالك فخر في مرتبة رايد كنت وإلا لوا ..
.. .. .. .. .. .. .. العز في قلبٍ تقي يملك عزيمة صاويه
وللا أنا شاهد ملك قصايدي تحفر ثوى ..
.. .. .. .. .. .. .. اشرح وافسر للخلق ماقد رواه الراويه
ارمي فتات الثرثرة واخذ من الهرج النوى ..
.. .. .. .. .. .. .. وانظر على وضع البشر من كل مكان وزاويه
الذيب لولا الجوع في راس الطويلة ما عوى ..
.. .. .. .. .. .. .. وأنا سبايب علتي امست ذيابي عاويه
لكن طموحي والأمل مفتاح عزمي والقوى ..
.. .. .. .. .. .. .. اقهر بهن كل ونةٍ روحي عليها حاويه
لأن الزعل لنفوسنا لا يمكن يكون الدوا ..
.. .. .. .. .. .. .. عمر البكي يااهل البكي ما يملى جود وراويه
لو كل شخص ضايق على نفسه تكتم وانطوى ..
.. .. .. .. .. .. .. امست عروش أهل المدن على مدنها خاويه


سليمان العقيدي