تصدقـ..
مليت هذا الحزن في وجهي وتفكيري
كنه صغير يمد لسانه يعايب
وتعبت ألاقيني واتاريني أنا " غيري "
كني صغير وافاجأ فيني الشايب ..!
وان جيت ابافرح معه ما فاد تزويري
رقــّص بي الهم رقصة طارق التايب ..!
لاجلك قصيدي يخون اليوم تعبيري
شطر ٍ يهابك وشطر ٍ فيك هو ذايب
ويالله انا باكتبْك وابدأ معْك تكبيري
الله واكبر عليك ان كنت لي صايب
من تالي الليل جاني بالخبر طيري
قم شف حبيبك بعد غيبات وش جايب
وانا بلهفة ادوّر بك تعابيري
متعوس حظ وجا له بالرجا خايب ..!
تمنعني الما مع ان البير هو بيري
وتذيقني المرّ وانا كلي لك اطايب
كنت ملاكي وألا يا سوء تقديري
ما كنت أدري بإن ابليس لك نايب
فيني بنيتك وفيك اضمرت تدميري
أتقنت دورك بأنك بي تتذايب ..!
وان غبت تفرح ولا تسأل بتأخيري
والعن غيابك كإني كنت أنا الغايب
ماجد عبد الرحمن