[نفيسه الشعلة]

بسم الله الرحمن الرحيم
بادىء ذي بدء صباح / مساء الخير لجميع متصفحين و رواد هذه الكوكبة الرائعة
أتيت بدعوة من الأخ الشاعر الرائع // سعد مسهوج
لذا له كل الود و الشكر الجزيل لدعوته
و ها أنا ألبيها !

"
"

نبض أول

و حزن أتنفسه !

"
"

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

نويت أبدي بأبياتٍ و قلبي و الفكر محتار =وشلي بس باقوله بيفضح كل //أشجاني//

غريبة يا وقِت أصبح ظلامٍ و الزمن دوار=يعاكس صفحة الماضي و يطوي كل أحزاني

و أنا اللي قد ما هليّت عبر مني حزن و أشعار=تراقص من على صدر الورق من حبر قيفاني

و متى ما راحت الأحزان بساير وجهة التيار=و بقصف كل آهاتي و أغني //بليل يا داني//

و لو به شي عاندني ترى كلي عزم و اصرار=تخطى كل مشاوير الليّال فداخل أوطاني

و تعدّى من الحدود اللي وصله لْساحة الشعار=وقف يبكي على حال الرجولة في زمن فاني

بعد ما شفت أبياتٍ يصيح (ا)بها نذل // خمار !!=و الا واحدٍ سكران ترى الموضوع سياني !!!

بسيطة يا حلم وردي//بسيطة يا زمن غدار=مدام ان الكذب أصبح وسيلة صدق الآني !

خلاص نعيش في دنيا بها ملح الشعر أدوار=و كل(ن) ياخذ بدوره من القاصي أو الداني

أحد كاذب..أحد صادق..أحد يشعل فتيل النار=أحد يبكي على حاله و لا ندري من الجاني

و تبقى هذي الساحة بها امْنِ الخزي و العار=و بها من يرفع الراية و يشرف اسم اخواني

و يخلي هامة الشعّار لها هيبة لها مقدار=امارتي اقطري اكويتي سعودي او هو عماني

ترى عزتنا وحدتنا و مجد(ن) عانق الأسفار=تعالوا وحدوا الهمة نكون بصف ""أعواني""

و أنا اليا بدعت القاف و جيته عانية المشوار=ترى وربي أنا شفت الشعر صايح و عزاني

و تذكرت الحزن اللّي خنقني و آنه وسط الدار=على طول الغياب اللي يعكر صفوة ألحاني

كثر ماشْتاق و أتوجس همومٍ كنها //اعصار//=وكثر ماقسى علي الليل و أهلكني وأعياني

عشان اللي يهدهد خاطري دايم و مهما صار=ألبي //مسمعه// وقتٍ ألاقي صوت ناداني

و عشانه بس أنا بكتب حروف امن القصيد كثار = و أبدع فيه أبياتٍ تساوي ألف ديواني

و أغير وجهتي و اْسمي و ألغي حكمة الأقدار=أخلي كل هذا الكون (أنا/وحده/و أحضاني)

بضمه حيل و أتنفس من أحضانه شذى الأزهار=مدام انه سكن قلبي و روحي و كل وجداني

و مدامه سالبٍ فكري و عقلّي و كلبو الأفكار=(حلال) يزيد أشجاني/و(حرام) يعذب أجفاني

و أنا مقوى على صدّه بلا حجة بلا أعذار=كفاية من الغياب اللي يزوّد حالة ""جناني""

و أنا يا سامعين الشعر صغارٍ كنتوا و إلا كبار=أبي من يسمع أبياتي يشوف الحرف و يقراني

و يذكر دايم(ن) ربه // محمد و آله الأخيار=و تبقى حيلتي وحده "أحبه" و لا أبي ( ثاني )

و أنا ما جيت بكتب لك و أسرق هذي الأنظار=شعورٍ كان في صدري و هيّض كل أشجاني

غريبة يا وقِت أصبح ظلامٍ و الزمن دوار =يعاكس صفحة الماضي و يطوي كل أحزاني

و أنا اللي قد ما هليت عبر مني حزن و أشعار=تراقص من على صدر الورّق من حبر قيفاني [/POEM]

"
"

نفيسة الشعلة