مدام إنك تبي تبعد مدام إنك تبي تسافر
ونفسك هي على قولك على المسفار مجبورة
جبرك الوقت تهجرني جبرك وقال لك هاجر
وش اللي يجبرك قلي حبيبي تاخذ الصوره
أنا مابي جواب منك أنا أجاوبك يا غادر
قصور فيك بانيها تبيها اليوم مهجورة
بلا أعذار كذابه بلا حلفان يا كافر
قضى عمري وأنا أملي وأثاري الجره مكسوره
تصدق كنت أنا أول أظن إني أنا شاطر
وأظن إنك معي وافي ونفسك فيني مسحوره
ولكن بعد ما شفته عرفت إني أنا خاسر
وعرفت إن الزمن لازم يدور بهالبشر دوره
ودرت ودارت الدنيا وكسرت بدورتك خاطر
سراج كان بيدينك كسرته وإنطفى نوره
دموعك هذي ما تنفع ولا تأثر بي يا ناكر
تبيني أغر ق بدمعه زمانك عجزت بحوره
وإذا ناوي السفر باكر عساه اليوم مو باكر
وجودك صار في عيني ظلامه يشبهه نوره
وإذا همك هي الصوره تعال وخوذها وسافر
وإذا ما جيت تاخذها تراني بحرق الصوره
* نصار الظفيري *