* رسالة للذات !
ومرّ العام و أنت ..
ما أنت اللي أعرفه قبل عام ..
غريب .. حتى عن الغربة ..
لا أنت إبن هذا الغيم .. ولا هذي التربة ..
ملامحك / جديدة ..
أصحابك جداد ..
أحلامك هيّ هي .. ما شيّ زاد .. !
مكبّل .. و ما أدري
من اللي يكبّل الثاني ..
أنت ولا الأصفاد !
مشاعرك ورق طار .. في مهبّ الريح ..
قلبك محطّة .. حزنك قطار ..
أوجاعك يودّعون أوجاع .. و يستقبلون أوجاع !
للحين هارب ..
هارب من الأبواب .. و الأرض ,,
و الأصحاب ..
هارب من النور .. لآخر مدى الفيّة !
صرختك / ساهريّة !
بحّتك / طلاليّة !
مشاويرك .. أطوَل !
ومرّ العام .. و أنت
ما أنت اللي أعرفه قبل عام ..
لكنّي إلى الآن .. أشوفك الأجمل ..