[نواف التركي]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]بين نارك يالجبيـل وبيـن بـردك يالحفـر=راحت أحلى أيام عمري من رحيلٍ في رحيل

كل ما جاء الأربعاء حلّت طواريه السفـر=ولّ يادرب الحفر ما بك عن الرمضاء مقيل

ملّت عيوني من الخط القديـم اللـي قفـر=كل ما عديت قريه قلت يا (مطولك ليـل)

وأن تعومس خاطري لعنت أبو جد الشفـر=لين ياصل منتهاه وتسمع (لقيـره) عويـل

طايرٍ بين الرجاء والياس لو يضرب (كفـر)=رحت فدوه للزمان اللي ولا منه حصيـل

الزمان اللي قعد لي كنّـه الضابـط خفـر=كل ما أخطيت أبتدع لي من جزاه المستحيل

كل ذنبٍ من ذنوب الغيّ ينسى ..يغتفـر=غير ذنبٍ ما تركني ليـن عدابـي سهيـل

وكل غربه لو تطول ألاّ يجي منهـا ظفـر=ألاّ أنا ما جبت غير الظيم من وقتٍ بخيـل

يازماني وين مـن كبـر المشاريـه المفـر=خايفٍ شرهة قريب وخايفٍ ضحكة هبيـل

ولا أنا شاللي حداني عن ربيع أهل الحفـر=غير شرهة صاحبٍ عدّاني حـدود الجبيـل [/POEM]