[نواف التركي]

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]



رفيق العمر أبحكيلـك تعـال أسمـع حكاياتـي=تعال أقلط وسـط صـدري وصدقنـي بتلقاهـم



تعال اسمع وجع قلبي تعـال وشـوف طعناتـي =تعال أسمع موواويل الجروح وشـوف منفاهـم



وطن ضيّع فتـى مثلـي نفانـي فـي بداياتـي =ولائـي كـان لترابه...ولاقـدّر....ولا فاهـم



نفاني للسـراب ورحـت أدور فـي متاهاتـي =سبب واحد يفهمني عشـان أعـرف خطاياهـم



رفيق العمـر ..لـو تذكـر مدارسنا..كتاباتـي =عبث طفلٍ يشاغبهم ويكتـب فـي زواياهـم



رفيق العمر لـو تذكـر شوارعنـا وخطواتـي =برائتنـا قبـل نكبـر قبـل نعـرف نوايـاهـم



نفوني يوم أنا طفل وعجـزت أنسـى معاناتـي= أنـا للحيـن أردد فـي نشيـد الصبـح وياهـم



أردد(ياوطن تسلـم لمجـدك) وأكتـب أبياتـي =عن الجهراء..عن الذكرى..وأخاف تكون ذكراهم



(أل مضيّع وطن وين الوطـن يلقـاه) ياغاتـي =وأنا مضيّع وطن تقـدر تقـول شلـون انساهـم



رفيق العمر وش باقي رمونـي فـي نهاياتـي =(بقى..يا..هم) وأذكرهم وأسولف عـن بقاياهـم



رفيق العمـر لاتسـال ..ولا تكشـف ملفاتـي =تـرا توّالهمـوم أطفـال لا تكشـف خفاياهـم



رفيـق العمر..لاتبكي..تـراه.. أول حكاياتـي =اجل وشلون لـو تلمـس بقلبـي نـار فرقاهـم[/POEM]