[قايـد الحربي]

[youtube]



:

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياعيد وشبه منكسر ناظر الريم=قبل الثمان وقبل قص الذوايب٠
تبغاني أسوي لحزنه مراسيم=وأنا الذي من جاير الهم هايب٠
ياعيد ماجني همومي معازيم=جني كذا مابين مخطي وصايب٠
بين الحقيقه وإختلاف المفاهيم=دمعة طفل طاحت على وجه شايب٠
ياما وياما راح فيها مظاليم=يموت حق وتحتويه النصايب٠
بادي على وجه الزمان التقاسيم=كن النهار بظلمة الليل ذايب٠
الشمس تقتل فرحة الغصن بالديم=والصبح مافدر شعور الحبايب٠
حتى السماء لا داعبت عالي الغيم=يطيح لا هبت عليه الهبايب٠
أهيم ضيقك وأشرب الضيق وأهيم=لاشك عمر الضيق مارد غايب٠
اللي قتل فرحة صغار ومفاطيم=اليتم وإلا جوركم يالقرايب٠
لاجارعمك مابقى بعدها ضيم=يكفيك جوره عن سموم اللهايب٠
لوكان ينظر للعدل والمقاسيم=ماشب ناره بالقلوب العطايب
ولوالجبال النايفات المجاهيم=تظهرغضبهاكان شفت العجايب ٠
مافيه حزن يابعد راسي مقيم=مثل العجاج دواه دمع السحايب٠
لاضاق صدرك بالهموم المراديم=خل الدموع تهد حيل المصايب[/poem]

:

أبو بنْدر
وَ الشّعر إذا حَضَر .