(( في أي حالٍ عدت ياداعي العيد ؟؟ ))
ما للفرح في بعض الأوقات دوله
لاحت مزون .. وطوحت شيلة البيد
واستبشرت .. من قبل حتى وصوله
واقفت مزون العمر من دون تضميد
مرت بتول ٍ .. من حياها .. عجوله
القيض .. يبسّ مابقا من عناقيد
لا نخوة ٍ منه .. ولا هي بطوله
يا صاحبي !! وش تنفع الأيد .. بالأيد ؟
والصمت عرض العمر .. والخوف طوله
و الونة اللي بالصدر مالها قيد
تكفيك عن ما كنت ناوي بقوله
والريح .. من صدر السموات .. تنهيد
تقلع خيام اللي ثقيلة حموله
طفل ٍ يموت بسيف زيف المواعيد
تدرك معي معنى ممات الطفولة ؟؟
يا ما نهيت النفس ..واصد .. وتزيد
في رغبة ٍ عذرى .. لحوح ٍ .. عجوله
والنفس .. لو ما حققت بعض ماريد
تجيك في بعض المواقف .. عذولة
تدري ..!! أبحلم .. واكسي العمر تغريد
إما احيا .. ولا .. أموت برجولــــه
" جاسم بن همام "