[نايف السميري]

.
.
اقر وابصم على ( اعدام ، او قبر ) هذا النص ولإسباب لم تفصح بها
نفسي لي حتى اللحظة ..!

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
وش يكتب الشعر في شيءٍ يفوق الشعر=هي معجزه بس شـعري دائماً قدها
شـيهانـةٍ لـو اشبهـا يغار القمـر=الله عطاها من الحسن وفـرق قدها
في وجنتيها تشوف اللون الابيض حمر=تضيع ماتـدري انته وين من خدهـا
وفي نظرتيها تحس انك تمعن بحـر=عيـونهـا تشعر ان السحر في سدها
واليا تمعنت فيها كن مالـك بصـر=تتـوه فـ "الغره" اللي يغرقك مـدهـا
فـ أهدابها تستشف من الهزيمه نصر=كسـلانةٍ بس مثل السيف في حدهـا
ترفل تحت حاجبين(ن) كنهـا تحتضـر=اقـواس والجـوع كنه لاعنن جـدها
واهناك سيفٍ ومن تحته تشوف الجمر=بالضبـط كـ "الدبله" اللي ترتوي يدها
جمرٍ جمع بين شهد وبين ثلج وخمـر=تثمل به النظرة اللي جاوزت حـدهـا
وعلاقة الشبه مابين الثغـر والخصـر=علاقـةٍ تضـرب الامثـال في ودهـا
كـ "الخاتم" اللي ليا شفته يسر النظـر=يأخـذك لابعد مسافـاتٍ صعب عدهـا
هي فـ الحقيقة مزيجٍ من زهر من عطر=تجمع تفاصيـل يحسـد مزحها جدهـا
هذا وانا بعدني في وصفهـا مختصـر=حكايةٍ لـو سـراها الشـعر وامتدهـا[/poem]