[بتال الشريف]

[poem="font="simplified arabic,4,black,bold,normal" bkcolor="transparent" bkimage="" border="none,4,gray" type=2 line=0 align=right use=ex num="0,black""] الى متى والمشاعر تجبر الشاعر=يشكي على الغير هم وغم ويعاني[/poem]

فالح البريكان

[poem="font="simplified arabic,4,darkred,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]سؤالك ايقظ بصدري هم متناثر=عجزت اجمّع تعابيره بديواني
لكن قناة الليالي دايم تخابر=ما جا سؤالك عن آخر حلم ودّاني
انا مع الحلم امشي الدرب للآخر=مالي و للنجم ارعاه و يرعاني
احساس في داخل الوجدان متحاشر=مدري هو الضيق والا الهم بكّاني
ارسل مناجات شعري للهوى العابر=عساني ارتاح مما هيّض أشجاني
حملت كل العبر من غلطة الشاطر=ولا تعلّمت من ذا الوقت ما جاني
صبرت لين الزمن كسّر لي الصابر=واخذت من ذا الزمن عروض مجّاني
الذنب يبحر مع التفكير ويغامر=والصمت حطّم عباراتي بوجداني
والوقت علّمني ان الجوع به كافر=والحق عيّنت فيه الكل عاداني
والصحبه اكثرهم بهذا الزمن غادر=لكن تحمّل او ارضى العيش وحداني
الى متى والمسافر مايبا يخابر=والى متى والمحاكم تطلق الجاني


[/poem]