[عبدالعزيز رشيد]

بعد فترة تالّق ملفتة وقصائد طويلة خالدة بدأ مساعد ينشر سلسلة من القصائد القصيرة نسبيّا والتي لم تكن تمثّل كل ماعنده لكنّها بكلّ تأكيد كانت تحوي شيء منه خاصة في نهاياتها ولطالما كتب على بحور مختلفة ومحيرة وربّما كان وجوده بالمنطقة الجنوبيّة سبب في ذلك

[poem=font="simplified arabic,4,#00008b,bold,normal" bkcolor="" bkimage="" border="none,1," type=2 line=1 align=center use=ex num="0,"]
جابك الله على غاية المطلوب = من مواطيك بالعشب لأهدابك
جيت يالمترف الناعم الرعبوب = مرحبا فيك لأقبلت وأهلا بك
تنثني كنك النايف النبنوب = وانثني وأنشد الصبح وش جابك ؟
تبتسم للنسايم تذوب قلوب= وابتسم وأهدي الورد عنّابك
ضحكتك غيمة وبلها مسكوب = ظللتني نهارين بغيابك
فيك من لفتة الشادن المرعوب = كل ماهزّك الشوق وانتابك
مرةٍ كنك الشمس وقت غروب = ومرةٍ كنك الحلم متشابك
كل ماجيت أبي استلهمك وآتوب = ضعت بك ضيعة العطر بثيابك !
[/poem]


[poem=font="simplified arabic,4,#00008b,bold,normal" bkcolor="" bkimage="" border="none,1," type=2 line=1 align=center use=ex num="0,"]

قم يا صباح الندى والعشب= قم ولع الجمر من جمري
وادلق جديلك وصبه صب= وبراحتك يابعد عمري
وابراحتك يارقيق وعذب= وبراحته شاعرك الخمري
من يوم عذب النسايم هب =ماعاد لي شي من امري
خلك بقلبي فداك القلب = من وين ماتسري وتمري
كل الحقايق بدونك كذب = ياباشاة البيض والسمري
الله يااني احبك حب = حب اخضر الغصن للقمري
[/poem]



[poem=font="simplified arabic,4,#00008b,bold,normal" bkcolor="" bkimage="" border="none,1," type=2 line=1 align=center use=ex num="0,"]
صاحبي لا تلحق الدنيا حسافه= لايسج بنا هديل الراعبيه
ياعشيري وش بقى ثاني نخافه= بالدروب الموحشات السرمديه
مادريت إنا تقاسمنا المسافه= نص لي ونص مكتوب عليه
ليه أمل من الطريق وليه أخافه = والمدى قيض وسراب ومهمهيه
ماورى ريع الطعون إلا الكسافه= كل ما أذبه وأشيل السامريه
وانت ياطهر الصباح وياعفافه = لا تصافحني بحد الحضرميه
لايغرك نبض كفي وارتجافه = ضاق بي قلبي وشلته في يديه
[/poem]


[poem=font="simplified arabic,4,#00008b,bold,normal" bkcolor="" bkimage="" border="none,1," type=2 line=1 align=center use=ex num="0,"]
قلبي على الماء وقلب الماء على شطك= الماء وأنا يا القراح العذب ورادك
كم شالك الحلم بأهدابي ولا حطك = والعين يرعى نظرها عشب ميعادك
ياشمسي اللي تدلى بالسماء قرطك= عن كل هالورد هذا القلب عبادك
طلي...وهلي على صدر البحر خطك= وش تالي أخبار ريحانك ورينادك
الله على يوم رذراذ الندى عطك= والنور ياطا على رملك وسجادك
أنا أحسدك مثلهم وإلا أني أغبطك = الراي رايي او انه راي حسادك!
[/poem]



[poem=font="simplified arabic,4,#00008b,bold,normal" bkcolor="" bkimage="" border="none,1," type=2 line=1 align=center use=ex num="0,"]
من ليم القمرا على وجه الطريق =و اوما لقلبي من بعيد وصاح به
الا انت يا المياس منثور الدليق =نهر الحياة اللي ظماي ارتاح به
خل السوالف ماعليها الا صديق = الصدر دلة للفجوج الراحبه
ان عودت للجد والعلم الوثيق =ما جابه الريح الشمالي راح به
اي والله اعلنها وانا وجهي طليق =والبال غصن كل قمري ناح به
انا من اللي مايخونون الصديق = بوم ولد اللاش خان بصاحبه
[/poem]



وكلّها قصائد حرم منها الديوان ,كانت مرحلة عذبة وسلسة وجميلة وفيها جناس بين المفردات القديمة الأصيلة والحديثة