بـُـعد
,
../
,
حـيـث ُ .. ســيــد جـــنــيـد .. وذكــريــاته
[poem="font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يا سيّد جنيد..ما مرّك زبون الغرام = إللي خذا قلبي من العام..ما رجّعه
إستأذن الصدر به يومين..ماقال عام = ليته صدق مع معاليقي قبل ينزعه
خابْرّه يعشق دهن عودك..وريح الغمام = إللي ليا طاح كنه باليدين أجمعه
وخابره يعشق عطور ٍ بالرفوف الأمام = ذويّق .. حتى ليا آشر عليه بصبعه
له بالحنايا آثر جرح ٍ عميق وسهام = وله في ثيابي بقايا من عطور ٍ معه
ما مرّ في سكة أيامي مرور الكِرام = في آخره حزن..والآوهام في مطلعه
ما قصّر بشوق يوم الله عطاه الهيام = وما الله هداه و ذخر ضيق الوعد من سعه
ما نقّض إلا العهود إللي عليها الكلام = وما حطّم إلا خفوق ٍ كان له مطمعه
يا وجد حالي على لاماه وجد الحشام = إخوان .. كل ٍ تقول الطيب ذا منبعه
جارت عليهم صواديف الليال الجسام = وسِيْقوا بأياديهم الأغلام..بيد أمعه
وخلّوا عجوز ٍ تهل الدمع..صبح وعسام = وماتت..وهم كل ٍ ف عنبر يهل مدمعه
لا والله..إلا سرق منّي لذيذ المنام = ياليت له في طريق البعد ما يمنعه
مديت له غصن زيتون..وحمامة سلام = وما مدّ لي غير طعنات الجفا الموجعه
يا أصدق من الوبل وعروق الضماير حيام = إن كان وصلك يبل الروح..لا تردعه
الله وهبني لك العاشق..وصرت المرام = مرامي إللي عسفت العمر لجل أتبعه
ولا ردني عنْك..كود سلوم ربع..وحرام = وقول العرب "كان ما طاعك زمانك طعه"
وإلا إنت لي مثل فرض الآكل بعد الصيام = يا آلذ ما ذقت بعيوني وعجزت أشبعه
إي والله إني أحبك..لا عليّ الحرام = أموت بك حيّ..ياآغلا العمر..لا أمتعه
الليل مركب هل الذكرى..وستر الملام = وعيونك البحر..ورموش العيون..آشرعه
وفي كل ليلة مع طيفك..اعَقد الخصام = وافلّ شرهاتي بصوتي..وأرد أسمعه
ما ضاق بي الكون..ضاقت بي..بيوتٍ وخام = يا كنّ روحي على الضيقات..مستنفعه
تطمّن الشعر بعدك..عن حلاياك صام = من هاجس الشوق..وضنون الغلا تدفعه
فإن كان مالك بعد فرقاي..نية سلام = لا ترجع القلب..كانك مآنت راجع معه[/poem]