[نواف التركي]

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
وأتل قلـبٍ يتلّـه عشـق ماويّـه =لاهيجن العشق في صدره ماهو دالـه


قلـوب مرتاحـةٍ وقلـوب مبليّـه =وأنا أتحـرى رفيـف الغيـم وأبرالـه


الصب تعرف من رسومـه مواريّـه =ماهي سوالـف يالالـه يـالا لاالـه


ولا هي علي السيّه وليدي على السيّه =علمٍ يفتّ الظلـوع أن زان مدخالـه


يا((مي)) لوّ الظروف السود بيديّـه =ماشال قلبـي مـن الغربـال موّالـه


شوفيني أقفيت والنيّـه هـي النيّـه =قلـبٍ تخبريـن بالدنيـا علـى فالـه


متباعدٍ عن جميع النـاس مـع غيّـه =عن وادي الناس فـي واديـه ولحالـه


لا يابعد ميّـت المعنـى علـى حيّـه =طاريك لامـن طرالـه ميّـل عقالـه


ثم تلّ صوتـه وبـدّع فـي قوافيـه =في قفر مـا رد صوتـه غيـر فنجالـه


ويلحق على الجرح مـن باكيتـه بكيّـه =ألين ما ينجـض المعنـى علـى جالـه


الروح يامـيّ قفّـت بـه خلاويـه = مـن يـوم رام الوصـال ولا تهيّالـه


واللي حداني على التفكيـر ريميّـه =لله در القصيـد ودرّ مــن قـالـه


لكـنّ صبـرٍ جميـل باقـي شويّـه =وأودّع العمـر والدنيـا وغربـالـه[/POEM]