[نواف التركي]

[POEM="font="Traditional Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يا حرف تكفى تراك أتترجم أحساسي=خلّك خويي ولو خان الثـرى قبـري

وأليا تجهّم بوجهك وجـه قرطاسـي=تعال كنك عن القرطـاس ماتـدري

تعال خذ صافي علومي ومـن راسـي=يوم أكثر طعون خلق الله في ظهـري

ياحرف أخطك ويلعب فيك وسواسي=وأرجع وأشطّب عليك ويحترق صدري

ياحرف ماتـت غناويهـم بكراسـي=مدري وش اللي تغيّر ماهـم بخبـري

تساقطوا كالفـراش بنـار مقياسـي=ما عاد تشفع ولا يشفعلهم عـذري

شهقتهم لين ظاقـت فيهـم أنفاسـي=وزفرتهم يوم باح بكذبهـم صبـري

كنت أتجرع غلاهم وأنكسر كاسـي=سالوا على دفتري وأستنزفوا حبـري

مدري تغيّرت ولا مـا هـم بناسـي=نفس الآسامي ولكن ليـه مـا أدري

ياحرف تكفى تراك أتترجم أحساسـي=أليا كتبتك يشع النور مـن سطـري [/POEM]