كثيرا ماكانوا شيوخ القبائل في نجد من الشعراء وغالبا ماكان شعرهم يشتهر بسبب الأحداث ووجاهة قائلها لهذا قد يصعب الحديث عن شيخ قبيلة كشاعر فقط غالبا مايتمّ الحديث عنه كشيخٍ شاعر ترفق قصائده بالأحداث والحال ينطبق كثيرا على الشيخ:سعدون العواجي والشيخ:شالح بن هدلان خاصة في رثائيّاتهم لأبنائهم لكن لو تمعّنا فيهم وفي الشعر وحد وأردنا أن نختار اسما نستطيع أن نقول عنه شاعرٌ وندّ لشعراء معروفين في عصره برأيي أكثر هؤلاء هو الشيخ:تركي بن حميد وله قصائد نبطيّة بارعة وبإمكاننا الإستدلال على قدراته من البحور التي يتطرّق إليها في شعره وتنوّعها ومن أجمل قصائده برأيي رثائيّة الهلاليّة :
[poem="font="simplified arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ذا قول من هوجس ومن ياح ماخفا = يهيض بعبرات تبيح كنينتها
من ونه ونيتها تجرح الحشا = محال حضر في يدي شاغلينها
تدور الدواير باليالي وغرني= سريع ترددها وصكيت سنينها
دنياك لو هي ساعفت يوم كدرت = حيول تحل الحيل ومفارقينها
على الرغم ماهي بالثميني وبالهوى = جري المغربل والعرب عارفينها
على مسايرها كثير همومها = وعلى شين سيرتها العرب عاشقينها
دنياك لو توريك يوم مسره = صفق موج بقعا لين تملا جرينها
من شاف في كسر اليالي وجبرها = هي المنجل الخافي جفاها ولينها
مخلوطها عسر اليالي ويسرها = صروف اليالي دققت في طحينها
كم خير يجلى عن صدى عضه البلا = تضحك له الدنيا وتخفي رطينها
ياطالب الدنيا فهي تستغرك = كم فرقت من مرضع عن جنينها
وجربت من حلو اليالي ومرها = وازريت اميز هزلها من سمينها
وانا حالف لا ابيعها بيع مرخص = معيف ولو غيري حد راغبينها
حرج محرجها وجاها زبونها= على سومه الغالي حريص ظمينها
اقع مهره قبا وسيف مجرب =وشلفا لقوات العدا محتسينها
ومناسف يعدا بها كل ساعه = يامر الولي يلقونها محترينها
ومن صنع بغداد دلال نظايف = نجورها باليل يسهر دنينها
على جال نار للمسايير دايمه = وثلاث حاجات لها جامعينها
اكرم لنزهين الشوارب على القسا= وخص مروي حربته مع سنينها
والي جمع مال ولا ادى نوايبه = لعل ماله غوشه وارثينها
هذاك مثل الديك يذن ولا سجد = ينفع بها غيره ونفسه يهينها
وبالقلب دقاق تعومس به الدوا = حار الطبيب بعله ناقلينها
تشب السعاير بالضماير وتلتظي = كما يهش قصبا بالضوا مولعينها
انا واوجعي من بكره هيضتني = في ليله الجمعه تزايد حنينها
تجر صليب الصوت مما جرى لها = تجره من الوجلى وفرقا ضنينها
وتجرعت من عين سفوح وتزايدت = كما مزنه غرا حقوق غشينها
على اخوي ماشفت الغضب في حجاجه= يقدم لها قدام يقدم ضهينها
عبد اذا ارسلته عقاب الى شهر = نمر الى جا الخيل فرق ضنينها
وش خانه الدنيا ولو به رغبنا= جربناه ناس قدمنا جاربينها
وزبنت مع من يمنع ولا عنه مانع = ربي عن الزلات نفسي يعينها
ياغافر الزلات تدمح لي الخطا =الاعمال ملائكه الرضا حافضينها
حاسب محاسبها وعطيت كتابها = شمالها والا جعل في يمينها
ياقلب هود وإطرد الهم بالنجم= الافراح من عند الولي مرتحينها
طلبت من يمنع ولا عنه مناع = ربي وباقي اسبابهم عايفينها
لزمت حبل الوالي الواحد الصمد= لاخاف رعب القلب وايقن ذهينها
والقتل من عقب الامور الحوادث = تنقض لوالب قالة فاتلينها
ولا صرت الاقلام مافاد من حكي = كودا على طلابه طالبينها
من لا يصافي مايصافي صميدع =صبور على عسر اليالي ولينها
ومن لا يغالي لاخذا بنت طيب =يعينه على ضيم اليالي جنينها
ومن لا يخاشر بالقليل ابن عمه = لا جاه من ضيم اليالي سنينها
وصلو على المدثر المؤمن التقي =اكرم بتقوى الله وتقويم دينها
.[/poem]
* (اجتهاد على قدّ الحال) (": , كانت بالقصيدة بضعة أخطاء إمّا نسيان حرفٍ أو حركة تخلّ قليلا بأشطرها