هالصمت ماعادله تفسيـر
أبكاني الجرح وأدمانـي!!
لي عام عايش على التفكير
لي عام والشعر يقرانـي!!
أحيان أقول الزمان بخيـر
لـو الليالـي تحـدانـي!!
اللّي بغيته عجز لايصيـر
وعجزت لاأفسّر أحزانـي!!
أصدّ عـن سكـة التعبيـر
وأتعبني الصبر وأشقاني!!
واللّي يقط الحجـر بالبيـر
له يوم يظمـأ ويلقانـي!!
تقول لي (طرّ)..كيف آطير
وأنت الذي قص جنحاني!!
ياللّي عطيت الوفا للغيـر
وأشعلت تنّور حرمانـي..
أمّا محبـه بـلا تقصيـر
وألاّ تخيـرت نسيـانـي!!
تشوف..كيف الغريب يصير
نام الضحيه..صحى جاني!!
