[محمد مهاوش الظفيري]

.

سباعية ريمية


ــــــــــــــــــــــــــــــــــ
ضلع اعوجاج
ــــــــــــــــــــــــــــــــــ
[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا تقومني .. وانا ضلع اعوجاج=ينكسر بايديك قلبي .. يا غشيم
الرضى محتاج له وقت ومزاج=وما هقيتك طمس .. بطباع الحريم
خالفك قلبي على الغلطه .. وراج=روجه الزهره .. على كف النسيم
من كسر قلبي تشربه الهماج=ومن جبر كسري .. فأنا قلبي كريم
يشرب الدنيا من ايديني ثجاج=وتصبح لقلبه ملذات .. ونعيم
ومن قصد جرحي .. زما بحري وهاج=يغرق بموجي .. ولو باسه عظيم [/poem]




ــــــــــــــــــــــــــــــــــ
فقيرة .. ومشهورة !
ــــــــــــــــــــــــــــــــــ
[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
أنا .. فقيرة .. و .. مشهورة=والشعر والصيت يكفينى
يكفيك الألماس يا نوره=على ايش .. يعني تحسديني
في نعمة الله ومذكوره=وعلى القصايد .. اتغبطيني
بيدينك الجاه .. وغروره=وبيديني القاف .. وايديني
كبدي من الهم مفطوره=والدمع يشرب دواويني
بالضيم شيخه وغندوره=و.. لا .. بنت تقدر .. تجاريني
لي حرف تضربني سطوره=على الوجع لين .. تدميني
قضاني العمر .. مكسوره=والهم .. يطحن جناحيني
واقول .. الآلام .. ماجوره=وارجي عسى الحظ يمديني
وإذا .. الزمن شح .. بسروره=مقبول .. ما .. ينقضي .. فيي
مالي عن البخت وقصوره=مالي عن اللي .. مشقيني
والموت .. لابد له زوره=واللي وطى الخلق واطيني
والشعر . ودي من حضوره=لامت .. الايام .. تطريني
راع الأدب خالد .. بدوره=من قال .. الاحزان .. تغنيني [/poem]


ــــــــــــــــــــــــــــــــــ
ما هي بمثلي .. شقاويه
ــــــــــــــــــــــــــــــــــ
[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يا هيه جَدِك طويل العمر=وانا غريبه شماليه
وش تبي مني خطاك الشِعْر=حتى ولو كنت ريميه
تزهاك ترفه تدوس الزَهْر =ماهي بمثلي شقاويه
نومي عواري واقوم الفَجْر =واطرد ورا الرزق رجليه
وابوي كادح مِضَْته السُمْر=ما بين عرعر وسوريه
يقود وضحا وراها حمْر =بلشان طرشه ورحليه
يم انت جدك عظيم الامْر =محدٍ يقطع هقاويه
تلزمْك ظبيه ربيبة قصْر =كسول جفن ورخاويه [/poem]


ــــــــــــــــــــــــــــــــــ
معركة الجوارح .. وأجنحة الحمام
ــــــــــــــــــــــــــــــــــ
صدقيني ..
يكفي تكونين أنثى
في مثل هذا الظلام
جنبي حلم الكواسر
واقبلي .. قدر الحمام
وانتي .. مخلوقه نبيله
وحالمه حيل .. ورقيقه
مالك .. ومال الصدام
* * *
في البداية يبي ياخذك الحماس
ورايحه .. تتخيلين
إنك .. تضيئين شمعه
وإنك تضيفين .. نجمه
وإنك تكونين .. شيء ..
لكن .. بعز الحقيقه
تبي تهزمك الحقيقه
وفي الصحيح ..
بتزهقين ..
وتتعبين ..
وتيأسين ..
وينكسر حلمك .. ويسقط
* * *
تسألين .. الدمع ليه
كل هذا الانهزام
كل هذا الانكسار
كل هذا الاحتضار
بالأخير بتدركين
يجي جرح وتفهمين
ويقتنع عزمك .. وحلمك
إن هذا الوعي .. لعنه
وإن ما للفهم .. قيمه
وإن ما للشعر شيمه
وإنه يكفي ..
انك تكونين .. انثى ..
لامعه .. وسطحك جميل
هذا هو .. كل الضروري
وهذا هو .. كل المهم
انك تكونين .. انثى !!
وتشعرين الخشن .. انك
خاضعه ..
وحلوه ..
وشهيه ..
وفارغه .. وشكل .. وغبيه
ناعمه وراسك ذليل ..
* * *
وينك .. ووين النهار
دام معركة الجوارح
تطحن أجنحة اليمام ؟!
سالمي قدرك .. وعيشي
واسكني .. زمن الظلام !!


ــــــــــــــــــــــــــــــــــ
مستحيل يكون يحبك
ــــــــــــــــــــــــــــــــــ
مستحيل يكون يحبك
اللي ما يتزوجك
مستحيل يكون يحبك
اللي ما يهديك اسمه
ويتشرف بك حنانه
وياخذك عهد وأمانه ..
ويمنحك بيت وحياه
ويقسم أيامه لقلبك
مستحيل يكون يحبك
* * *
أي حب اللي تبينه ..
أي رجل تصدقينه ..
أي عمر تضيعينه ..
وأي زهر تذبلينه ..
على .. حروة ..
انك لعهدك وفيه
يا حنونه .. يا رقيقه .. يا غبيه !!
بها البساطة ..
احسبيها ..
وافهميها ..
واعقليها ..
اللي ما يتزوجك ..
مستحيل يكون يحبك
* * *
لعن أبو حيك .. كفايه
كل عشق وله .. نهايه
متى تخلص هالحكايه
يكفي العمر اللي ضاع
يكفي الشمع اللي ماع
يكفي الصبر .. العذاب
يكفي الذل .. العتاب
مره اتخذي قرار
ينقذك من هالضياع
* * *
فارقيه .. وعيشي عمرك
فارقيه .. و .. شوقي زهرك
فارقيه .. و .. شوفي دربك
توبي عن ذلك وذنبك
وان ضعفتي مره ولد الحنان
للسنين اللي زمان
حطي في بالك حقيقه
قاسيه حيل .. ومريره
اللي ما يتزوجك ..
مستحيل يكون يحبك !

ــــــــــــــــــــــــــــــــــ
جرح واحد
ــــــــــــــــــــــــــــــــــ
[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا والله إلا توازينا=في عشقك إن كان تسمعنا
وش علمك اخلفت يا اخينا=زود الرجا فيك ضيعنا
بشر متى نقول بتجينا=ونفرش لك رموش مدمعنا
عسى الزمن بك يصافينا=لو بس مره يجمعنا
يكفيك شي حصل فينا=يمديك ترحم توجعنا
العام تتبع خطاوينا=هواك في ساعةٍ معنا
والعام يا حلو تغلينا=وش دعوة اليوم تقطعنا
وإن كنت ناوي تخلينا=وعزمت بانك تودعنا
حريٍ الله يشافينا=من جرح واحد ملوعنا
وعسى اللي اعطاك يعطينا=فؤاد قاسي يطاوعنا [/poem]


ــــــــــــــــــــــــــــــــــ
تبشيرة اخصاب
ــــــــــــــــــــــــــــــــــ
[poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
عاد الشتا يمطر شعوري بالأحباب=عادت حكاية جدتي لا حكت لي
دق النوافذ واسرع يهزهز الباب =والغيمه أحلى جدةٍ غردت لي
عندي لعشق الغيم أسباب واسباب=حنان اخوي .. و .. روعته لا ضحكت لي
وامي حبيبة قلب في دفئها ذاب=يوم افردت ضلعينها وفرشت لي
والوادي اللي كن جالينه كتاب=في صفحتينه يرتل السيل رتلي
انا ووجه الغيث من صغري اصحاب=واخوض حب بعين غيمه همت لي
وجه السما بالغيم تبشيره إخصاب=كن السحابه سندسه لا همست لي
الارض لولا الغيث تفعيلة تراب=والجدب به تيبيس روحي وقتلي [/poem]