[حمد الأسمري]

جمعة مباركة عليكم

جفاف الحظ

ترحب بقراءتكم لها

وباب النقد مفتوح



[poem="font="traditional arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]جفاف الحظ ما ينبت بـأرض الميتيـن زهـور=وهجرك كان لازهاري جفاف ومـوت ونهايـة
وليل العتم ما ينثر على وجـه الحـزن بلّـور=ولا في ضحكة القاسي لموت الحب تسلايـه
نهاية تجعل الجاني يموت من الضحك مسـرور=بداية تترك المجني يشيـب مـن أول حكايـة
كذا صار الغياب ألطف وأجمل من بنات الحور!!=كذا مات الهوى وألا بداية غربتي نهاية ؟؟؟
من التقويم لاوراقه لموت الحب يا المغرور=لجرح الذات للغربـة ونزف ٍ مالـه وصايـة
لكلمة شكلت معنى جديـد بعالمـي المكسـور=لزيف ٍ ماعرفت أشلون أعيشـه فيـك للغايـة
أنا يا متعب أفكاري وماخـذ كذبتـك بسبـور=أبد ما عاد لـي معنى فـدنيا الغايـب التايـه
أنا ادري مانـي الأول ولانـي آخـر الطابـور=وادري ما ملى قلبك سـوى تغريـب ووشايـة
أنا حزني على قلبي على موت الهوى وشعـور=بدا ياخذ مـن أطباعـك لأنـك ظـل ومرايـه
معاك الحق لو ترحل ومن قلبي تـرى معـذور=وجودك أو رحيلـك مـا يغيّـر خـط مرسايـه[/poem]