[نايف الرحيمي]

مساؤكم / صباحكم
خير / غير .. شوق / ذوق




.



[poem="font="simplified arabic,5,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black""]كل ماشفت ورده جات ذكرى تفوح=وكل ماهب نسناس الشمال استريح
ويل قلبي من اللي طيفها مايروح=ويل حالي لو ان القلب منها جريح
مهـرة ٍ ماجذبهـا.. كل برق ٍ يلوح=ماتجي بالسهوله والكـلام الملـيـح
بالوصايف أصيله.. بنت اصايل..جموح=كم فارس يبـيها .. بس عوّد طريح
مرهفه..نرجسيه..شاعريـّه.. طموح =تَعرف الفرق مابين الخطا والصحيح
لابدا الجد.. جد.. وفالمزايح مزوح=عيبها من مدحها.. جات فوق المديح
واضحة فالغموض وغامضة فالوضوح=بين بخل الكريم .. وبين جود الشحيح
تـبري جروح قلب ٍ تعّـبـته الجروح =وتسري بروح عاشق ماهو بْمستريح
ليتها بس تفهم حالتي يوم ابـوح : ="كل ماهبّ نسناس الشمال استريح"[/poem]



نايف الرحيمي




.