هات حبك هات معه الفيـن علـه
عمري ماذقت بهواك المـا زلالـي
عيـد ٍ بيقبـل ولالـي فيـه ملـه
كود هدر الدمـع وعيونـي تلالـي
نوف وينك مالك من ازمـان طلـه
شوفي حالي غاديٍ ماهوب حالـي
كني اللـي مضيـع ٍ دقـه وجلـه
ماعرف يمناه مـن يسـراه تالـي
الحقينـي ياقليـب ٍ مــا امـلـه
بالقصيد اللي يبـرد حـر صالـي
ياوجودي كل مانسنس هـوا ً لـه
اتفـزز كنـي اللـي بـه خبالـي
اتلزم فـي عميـري كـود احلـه
واتغفر من رحوم ٍ ماهـو سالـي
ليت قلبي في يـدي والله لا اتلـه
تلة اللـي نايفـه مليـون عالـي
فدوتك عمري تبينـه هـاك كلـه
بس يرجع عشقي اللي لـه دلالـي
واهتني بالعيد /و البس له / وافله
شعري اللي مايفلـه كـود غالـي
هـذا مكتوبـي تـرا دقـه وجلـه
اوله قلته مـن اللـي قـد جرالـي
اتغلى شـوف عينـك لـو تدلـه
وفي نهاية مقصدي واضح مقالـي
بس "( اباه )" وكل عمري فدوة ٍ له
فدوة ٍ له كل عمـري لـه حلالـي
/
/
\
\
الاخت الفهده
ليت قلبي في يـدي والله لا اتلـه
تلة اللـي نايفـه مليـون عالـي
أنتي تليتي الشعر وحلقتي به الى سماء ابداعك واحساسك
شوفي حالي غاديٍ ماهوب حالـي
كني اللـي مضيـع ٍ دقـه وجلـه
ضيعت البيت اللي كنت ابي اقتبسه
لأن كل الابيات رائعه 
الاخت الفهده
صح لسانك من المشرق الى المغرب
لكي عمق ودي
اخوك/ فيصل