اودعك يا بدر
أودعك يابدرٍ ظهـر لـه زمـان وغـاب
أودعك يوم أبعدت نـورك عـن الديـره
أودعك يابـدرٍ سـرى والهـوى ماطـاب
عليـه العيـون الدمـع جـرح معابيـره
أودعك لأجل الحب مـع نـورك الجـذاب
هويتـه وحبيتـه ولا شاقـنـي غـيـره
وداعتك روحي يوم جابـه لـك الجـلاب
جلبهـا الغـلا والحـب هـذي تدابـيـره
ترى البعد ما يمحى غلا من رماني وصاب
رمانـي بسـهـمٍ قـاتـلٍ يالله الخـيـره
ضربني ودم القلب ينزف من المضـراب
وذا مكسبي زودٍ علـى الذعـر والذيـره
ألا ياعيونـي والله إنـك مـن الأسبـاب
كسبتن لقلبـي جاهـلٍ ماحسـن السيـره
تصبرت لين الصبـر بيـح خفـاي وذاب
عليكم مـن الله راعـوا الحـق والجيـره
قضى العمر منكم ما حصلي فرح وإعجاب
ولا صاح لي غير التعـب منـك ياميـره
أميرة جمال الحسن تخضع لـك الأرقـاب
على كل من دش الهوى طالع طيره
ألا ياهلي حطـوا لقلبـي حجـا وكتـاب
إلى صار شف النفس شره طمـس خيـره
نور..