تحلـم بـوردة تحضـن عيونـك فجـر
واحلـم بـوردة كـل صبـح تقبـلـك !
وردة .. نداها .. يستحي منـه المطـر !
وردة .. شذاها .. مثـل حبـي يشملـك !
دورت عنهـا .. واسـأل دروب القمـر !
إسأل صباح الارض والمـا .. واسألـك !
كـل الـورود استاهلـن كــل البـشـر
أمـا انـت مـا مـن وردة ٍ تستاهلـك !!
من قبل لا انسى .. كنت ابحكي لك خبـر
عصفور لـه مشـوار مـع ورد الفلـك !
قال : المدينة .. تسرد احلامـك حجـر !
سافر إلى الغيب .. انتفـض مـن منزلـك
قلت : الطريق ؟ .. ومد لي صمت وسهر !
فكرت اعود .. وقال : من عـود هلـك !
سافرت .. لكـن بيـن رغبـات وحـذر
صاحبت خوفي .. كنت خايـف يشغلـك !
للغيب كنت امشـي .. ولكـن مـا خطـر
.. في بالي اني عند ما آصلـه آصلـك !
أثرك حبيبي تحضـن عيونـك فجـر ؟!
واثـر المرايـا كـل صبـح تقبـلـك !؟
وتريـد منـي أجمـل ورود البـشـر ؟
وشلون .. ياتاج الورود اهديـك لـك ؟!!