[الغيد بنت فواز]

دَنْدَنتْك ..!

[POEM="font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هِنا في طبلـة آذاني بقى من دندنتك أصوات =تحارش غفوة الهامي وتقلق سلهمة عينه

ولا ادري ليش خليت الغياب يرّن بالساعات =ولا ادري ليـش ما ودعتنـي قبل أرضخ لسـينه

مع انك تكره أتسآءل عن الساعه وكم هي جات = وياما قلتلي هـالوقت / مالي في ميادينه

مع انك تغرق بصوتي وتسكن في مدى الهمسات=وتتبعثر من سكوتي ، وتدرك صمت تخمينه

مع انك تعشق عيوني وتلهمك الحكي لمحات=ولا تقدر تقول البوح ويغدر فيك تخزينه

معَ انك مع َانك ولكن ، كل هذا فات=وفجأه شفـتني وحـْدي يهين الوقت واتعينه

حبيبي وينها احلامك ووين الشوق ذات لـ ذات =هـذاك الليّ مغـربل بك وهالكتك شياطينه

حبيبي وينها أيامك ووين الخوف والندهات =الى من ضمّنا ليل الشتا واتجـّمدت طينه

حسافه ليش خليت الفراق يعانق النسـمات =حسافه ليش خليت الصبر يتوّسل ايدينه

حسافه بس / ما باقى من احساسك سوى الهيهات =تلوّح لي اذا ناديت ( تـقــول ارجوك تـنسينـه )

وانا لو جيت ابي أنسى ، تذكّرني بك الزفرات=واذا الزفرات من قلبي ( تخيّل ) وين انا ووينه ؟!
[/POEM]

28/4/2007