صديقى الرجل أحيانا نحتاج لـ صفع بعضنا البعض قبل ان يصفعنا الآخرين..!!
جيت بـ تقرا
وش تقرا وقّف لاهنت
جاوب
أسئلتى ياإنت!!
كم مره غررت بـ بنت؟
كم كذّبت؟ وكم عذّبت؟
كم مرّه ياسيد خنت؟؟
كم مرّه مثّلت الحب؟
كم سرّبت أخبار الناس وتهتك ستر؟
كم غرّبت احساس وقلت:
انتى روحى
انتى عمرى
انتى قلبى
انتى شوقى
كم سمعت هـ الكلمه بنت؟؟
كم وحده تسكن ادراجك؟
كم وحده تنطر تحتاجك؟
كم وحده تظنك انسان؟
كم مره يذبحك احراجك؟
كم مجنونه تصدق إنك.. نهر يجرى من أحساس؟
كم وحده مكسوره منك؟؟ ماذاقت من غبت نعاس؟؟
منهى دوم تسولف عنك تكتب لك حزن بـ قرطاس؟؟
جيت بـ تقرا
يعنى إش تقرا؟؟
سكر هذا الباب وروح
مايعجبك الحكى الفاضى
مايعجبك احساس النور
إفتح يمكن تلقى وحده
تكتب والخاطر مكسور..!!