[سلطان الدوسري]

.
.
نواف ... ماقلت لك مامنّي فكّة
.
سوف آخذك بشطحة غييييييير ..
سوف يكون حول امثال شعبية .. أو مقولات شعبية ..
ولكن حذاري مانبي فصيح ابداً .. يعني ردّك بلهجة شعبية بحته
.
.
يقولون القوّاله :
الشق اكبر من الرقعة ..
وش رايك لو صار معك ثويب ورقيعتن صغيره .. تبي تحطّها لو ماتيزي ؟؟


قالوا :
ماطاح مغير انبطح ..
ماتشوف ان الطياح غير الانبطاح ؟؟

ويقولون بعد ( وانا ادخل على الله وابرأ منهم ) :
تغدّ بالرجال قبل ايتعشّى بك ..
وانت وش تقول ؟؟؟

وقالوا بعد بالمثل الحجازي :
إذا كان الأكل زيتون الشبع من فين رايح يكون ..
نواف ... تحب الزيتون ؟؟ واي نوع منه ؟؟

وقالوا بعد :
كلن عليه من زمانه واكف ..
ماقد رقيت للسطح تسدد شقوق عن المطر ؟؟

وقالوا بعد :
القدر مايركب الا على ثلاث ..
تهقى مايركب على ثنتين ؟؟

وقالوا بعد :
قال انفخ يا شريم قال مامن برطم ..
ماقد نفخت يوم وطفّيت الضوّ ؟؟

وهمّ قالوا :
فلان ينقز العرفجه ..
تشوف هذا يمشي مع وقتنا ؟؟
وفي نظرك اجل وش ينقز ؟؟

وقالوا بعد :
مثل بيض الصعو يذكر ولا يشاف ..
بجد ماقد شفت بيض الصعو ؟؟؟
.
.
.
فيه كتاب يانواف بعنوان " الامثال الشعبية في الجزيرة العربية " وعدّة اجزاء ..
لـ عبدالكريم الجهيمان ( الله يرحمه ) .. يوسع الخاطر لايفوتك اذا ماقريته ..
.
.
.