[الجوهرة]

..::..

خبـر : انتبهوا من الأكلات السريعة‏

السلام عليكم ورحمــة الله وبركاته
انـتـبـهـوا





هذا شاب امريكي قام بتجربه ووثقها بفيلم اسمه ( Super Size Me ) عرض على الشوتايم ......
ملخص الفيلم ان هالشاب يبي يبين أثر الفاست فود اي مطاعم الأكل السريع وخصص ماكدونالدز بهذي التجربة .....
قال انه خلال 30 يوم راح ياكل من ماكدونالدز ويبي يشوف شنو يصير له ....
في بداية الفيلم يسوي تحاليل لنفسه يشرف عليها كذا طبيب وقال لهم عن تجربته اللي يبي يسويها ....
طبعا الأطباء تنبأوا انه راح يزيد وزنه بعد التجربه يعني ارتفاع نسبة الدهون ...
في الأيام الأولى من تجربته كانت النتائج انه يحس بالاكتئاب و الكسل والخمول مع احساس بالجوع يعني كل مره ياكل من ماكدونالدز وده ياكل أكثر .....
ماطول عليكم بدا يحس انه موطبيعي راح وسوا التحاليل وهو ماكمل الـ 30 يوم الدكاتره انصدموا قالوله انت تشرب كحول قال لهم لا قالوا الكبد عندك تعبانه لدرجه ان من كثر الترسبات الملحيه فيها كبدك كأنها خيار مخلل انصدم الشاب وان نسبة الدهون مرتفعه جدًا وان في مادة تسبب الذبحه الصدرية مترسبه بشكل موطبيعي ماتحصل الا عند كبار السن .....
وان مستوى السكر بالدم مرتفع بدرجات خياليه .......
الطبيب من الصدمة موقادر يصدق كل هذا من الوجبات السريعه لان تحاليل الشاب كأنها تحاليل رجل عجوز .....
طبعا الدكاتره قالوله لازم توقف التجربه لان هذا في خطر كبير جدًا على صحتك ...
هذا الفيلم سوا ضجه بأمريكا ومنها بدت مطاعم ماكدونالدز بتكثيف الدعاية عنها وبالذات بالشرق الأوسط ....

انتبهوا ياجماعة ترى الصحه لاتقدر بثمن والله


..::..

الريـم

ألـ 1000 ـف شكـر عـلى هيـك متصفـح


..::..