[عبدالعزيز رشيد]

اساتذتي
الاستاذ خالد
لحظه كان لابدّ من ان آتي بنصّ للفائده



((( قميص الليل )))


دخيل ركـض الوجـع والآه والضمـه
******************ومتابع الركض .. لاتكّلف على شانـي
خلاص مني ومنك الحـب فـي الذمـه
*********************تضاعفت من جروحـك قـوة ايمانـي
محسوبك ان جيت وان ماجيت ماهمـه
*******************وش ياخذ الدمع من تغميضـة اجفانـي
انام وادخل قميـص الليـل مـع كمـه
*********************واخرج صلاة الفجر مـع كمـه الثانـي
اتنفـس الفجـر الاول عاقـد الهـمـه
*******************واركض مع الناس .. والعن خيّر احزاني
كرامة النفس عندي فـوق فـي القمـه
********************وتثور من دونها .. نـاري ، ودخانـي
ذبحت خيل الهـوى .. واسقيتهـا دمـه
**********************خليتها غصب تحمل جثـة ( الجانـي )
ياحالمـه فـي دروب العشـق مهتمـه
********************عمري مهو لك رصيف احلام واشجاني
عمري قصيده ( ردية حـال ) منسمـه
*********************مافينـي اوراق يامحبوبـة اغصـانـي





فـالحقيقه اول ماعرفت بالحميدي كان عن طريق شخص سألته عنه
فقال لي هذان البيتان


محسوبك ان جيت وان ماجيت ماهمـه
*******************وش ياخذ الدمع من تغميضـة اجفانـي
انام وادخل قميـص الليـل مـع كمـه
*********************واخرج صلاة الفجر مـع كمـه الثانـي

من وقتها وانا اقول زدني ويزيد .. ويزيد .. الى ان اقترح لي بأن أقرأ المقال الذي كتبه حوله
فقرأته ومنها كانت القناعه .. وقتها قلت بأن الشعر النبطي له هبة لاتقدّر بثمن على الاطلاق ليجاري الفصحى القديم





النصّ افضل نصّ تكلّم عن الم الذات
بحلاوة المعاني
وسلاسة الألفاظ
وحسن الاختيار .. للصور والالقاب
.

(1)

ذبحت خيل الهـوى .. واسقيتهـا دمـه
**********************خليتها غصب تحمل جثـة ( الجانـي )

بيت تحسّ بأنه يشفي الغليل



(2)

عمري قصيده ( ردية حـال ) منسمـه
*********************مافينـي اوراق يامحبوبـة اغصـانـي

بيت تحسّه عتب بأدب



(3)

اتنفـس الفجـر الاول عاقـد الهـمـه
*******************واركض مع الناس .. والعن خيّر احزاني

بيت تحسه أمل موعود




هذا ولابدّ من عودة
اليكم
مع تحياتي