" لي عزة "
بـيـديــك تــقــدر تـوطـنــي وتـغـربـنــي
بــيــدك تــقــدر تـمـوتـنـي وتحـيـيـنـي
وأنـت الأمـل فيـك مـن نفسـك تقربـنـي
مـا هـو الأمـل فيـك فـي فقـدك تعزينـي
أدري الـنـهـايـة بـدايـتـهـا تحـاسـبـنـي
فـــي كـــل زلـــه ولا تـقـبـل براهـيـنـي
فــي كــل لحـظـه تحاسـبـنـي تعـذبـنـي
خـايـف تفـجـر براكـيـن الـحـزن فيـنـي
من عقب ما كنت بالفرحـة تصالحني
ومن عقب ما كنت في همـي تواسينـي
أصبـحـت تـبـدي أمــور فـيـك تتعـبـنـي
وأصبحـت تخفـي أمـور فـيـك تغريـنـي
والمشكـلـه كــل عـيـب فـيـك يعجـبـنـي
والمشكـلـه كــل مــا تبـديـه يرضـيـنـي
أشــد قلـبـي ولــك الأشــواق تجـذبـنـي
وارجع لك بشوق تسبق خطوتي عيني
والـوم نفـسـي لــو أنــك مــا تعاتبـنـي
لا حالـت ظـروف مـا بينـك ومـا بيـنـي
حيرتـنـي لا أنـــت بالـفـرقـا تطالـبـنـي
ولا أنت راضي على العشره تصافينـي
صحـيـح حـبـك ولــو صـديـت غالبـنـي
وعنـدي وفـا لـو نويـت البـعـد يثنيـنـي
لـكـن إذا عـفـت لــي عـــزه تحـاربـنـي
ترفض شعوري ولـو تنشـف شرايينـي
تمـوت مـن كــاس ذلــك مــا تشربـنـي
وأموت ما شفت دمعة شوق في عينـي
" الشاعر : فالح الهاجري .. الكويت "
نور...