[خالد العلي]

المشاركة الأصلية كتبت بواسطة خالد صالح الحربي

:

خطيئة آدم عبارة عن قلم وأورقه
.. . لو يدري آدم عن أخطاءه محى ما كتَب.

الحِبر مثل البحَر ياما غِرِق بـ أزرقه
.. . مَدّه مِداد ومداه .. بنادَم وما شَطَب

ما بين سندان فِكر وهيمنة مطرقة
.. . أظنّها مطرقة كَفْر " الحسَب والنّسَب ".

البارحة كان لي صدر النّفَس محرِقه
.. . كأنّني كنت أراقب حالتي عن كَثَب .

لا الشمس غابت ولاهي توّها مشرِقه
.. . دخّان من غير نار .. وثلجةٍ من لهَب !

لولا يقيني " يقيني هالتعب واعرقه
.. . قبل يجف العرَق .. كنت أتساقط تعَب!

لكنّي اللي فرَح دنياه ما يسرقه
.. . مايسرق من الفرَح ياكود ماهو وهَب .

أنا بليّا أنا من راسي لمفرقه ..
.. . لأقدامي لدربي لحال الرضا والغضب .

أحيان أشوف الأماني شَجْرةٍ مورقة
.. . وأحيان أشوف المنايا .. المورقة في أدب!

كلّي خطايا شرارتها قلم وأورقه
.. . حاولت أكفّر عن أعظمها .. وراحت شُ عَ بْ!

🌹

.
.

اهلا بابن الصالح الخالد للشعر ..


ابي العيون حقة : احيان المنايا .. يا خالد

هذي لحالها بها ثلثين من الأدب والثلث الباقي ماابيه
ايه ماابيه اكون مكتفي بحقة المنايا في سنين العمر الاخيرة ..

الله يا خالد
اخذتني من بداية الكون لحين كتابة هذا الرد

ما تتخيل
وش كثر احب اكتب رد بمجرد قراءة نص يتغلغل في الشرايين
من اول قراءة . وهي قليلة برغم كثرة النصوص .

ابي العيون حقة : احيان المنايا .. يا خالد

روح ياشيخ منك لله اللي يسعدك

هبلتني
ب
ر
ض
ا
ي
: )
.
.