[خالد صالح الحربي]

:

فقر زايد قفر والناتج : قرف
.. تبن نبني بيت والواقع هدام

المُرتّب ما يوازي مَـ انصرف
.. والفرص فازوا بها عيال الحرام!

***

لا تنشديني عن سبب نحف جسمي
.. يا جاهله بالجوع واللّي يسوّي

صعب الملامح يتعبك حيل رسمي
.. شوفي ظلامي تستشفين ضوّي

تكفيني الذمّة ويكفيني اسمي
.. اسمى بهن لو عكّر الفقر جوّي

من هَـ الرغيف يروح ثلثين قسمي
.. لبطون أشوف الجوع فيها مْتطوّي

لي عزّةٍ مهما دنا الفقر تسمي
.. . يالمترفة .. ماعاد فيها تروّي

لبست أنا جوعي و جوعي لبس مي
.. يا ستّ حِلّي عن عيوني و هوّي

بعيونها تصدق مواعيد وسمي
.. هي غيمي اللامع على شْفاه نوّي

خليني أحيا واتركي نحف جسمي
.. قالت : فقير وفوق هذا مهوّي!!

***

ضيّعت عمري أدوّر بالوطن سفره
.. . ويوم أنّها لي تهيّت ما تهيّا اكلي

لا الذنب ذنبي ولا هي غلطة الطفرة
.. . أنا سعودي بمضموني قبل شكلي!

🌹